Në 24-vjetorin e vrasjes së patriotit Xhemail Mustafa, në Selinë Qendrore të Lidhjes Demokratike të Kosovës u përurua pllaka dhe portreti përkujtimor i tij. Në ceremoninë përkujtimore morën pjesë lideri i LDK-së, Lumir Abdixhiku, familjarë të Mustafës dhe bashkëpunëtorë të tij.
Gjatë fjalimit të tij, Abdixhiku e kujtoi Mustafën si një atdhetar të përkushtuar, shkrimtar dhe veprimtar të palodhur për liri, pavarësi dhe demokraci.
Ai theksoi se trashëgimia politike e Mustafës vazhdon të frymëzojë breza të rinj dhe se portreti i tij, i vendosur pranë atij të Enver Malokut, simbolizon themelet e forta mbi të cilat është ndërtuar Republika e Kosovës.
Mustafa u vra padrejtësisht në hyrje të banesës së tij, por figura e tij mbetet një shembull frymëzues për bashkëkohësit dhe brezat e ardhshëm. /Kosovatimes/
