Ministria e Mbrojtjes dhe Forca e Sigurisë së Kosovës do të mbajnë “Ditën e hapur”, që do të mbahet me rastin e DITËS SË FORCËS, më 27 nëntor, nga ora 10:00 deri në ora 14:00.
Ministria e Mbrojtjes njofton se në kazermën “Adem Jashari” në Prishtinë, nga ora 12:00, do të jenë të pranishëm udhëheqësit më të lartë shtetërorë, të cilët do të kanë adresim për media duke filluar nga ora 13:00.
“Gjatë kësaj dite, do të keni mundësinë të vizitoni kazermat e FSK-së në Prishtinë, Mitrovicë, Istog, Gjilan, Prizren, Ferizaj dhe Pomozatin, ku do të prezantohen dhe demonstrohen aftësitë dhe kapacitetet ushtarake të Forcës së Sigurisë së Kosovës”, njofton Ministria e Mbrojtjes. /Kosovatimes/
