Kryesia e Sindikatës së Policisë së Kosovës ka marrë pjesë në Konferencën Ndërkombëtare të Këshillit Evropian të Sindikatave Policore, aty ku thuhet se u prezantuan sfidat dhe synimet për përmirësimin e të drejtave dhe kushteve të punës për zyrtarët policorë të Kosovës.
Sipas sindikalistëve të Policisë së Kosovës që është anëtarë të Këshillit Evropian të Sindikatave Policore, kjo pjesëmarrje paraqet një mundësi të jashtëzakonshme për të ngritur zërin e zyrtarëve policorë të Kosovës në nivel evropian.
“Përmes kësaj platforme të fuqishme, sfidat dhe kërkesat e policisë së Kosovës jo vetëm që dëgjohen, por marrin mbështetje nga një rrjet i gjerë sindikatash homologe në Evropë, duke forcuar ndikimin dhe bashkëpunimin për realizimin e qëllimeve të përbashkëta”, thuhet në njoftim.
Bëhet e ditur se në këtë forum ndërkombëtar, Sindikata e Policisë së Kosovës ka adresuar disa nga çështjet më të ndjeshme me të cilat përballen forcat e rendit në Kosovë.
Ata kanë kërkuar mbështetje për krijimin e një kontrate kolektive sektoriale, Ligjin për moshën e pensionimit e përforcimin e mbrojtjes shëndetësore dhe sociale. /Kosovatimes/
