Chelsea vazhdon të dominojë në Conference League, duke regjistruar fitoren e katërt radhazi në po aq ndeshje.
Skuadra londineze ka mposhtur debutuesit e Heidenheim me rezultat 2-0 në “Voith-Arena”.
Heidenheim e ka filluar ndeshjen me guxim dhe ka krijuar një rast të artë në minutën e njëze, kur Paul Wanner ka depërtuar në zonë me mjeshtëri, por goditja e tij është ndalur nga portieri Filip Jorgensen. Ky moment është bërë kthesa për Chelsean, që ka marrë iniciativën dhe ka krijuar disa raste të rrezikshme, përfshirë një gjuajtje të fortë nga Christopher Nkunku. Gjithashtu, londinezëve i është refuzuar një penallti pas ndërhyrjes së VAR, kur gjyqtari Serdar Gozubuyuk ka ndryshuar vendimin për një ndërhyrje ndaj Mykhailo Mudryk.
Pjesa e parë ka përfunduar pa gola, por Chelsea ka ndryshuar ritmin në pjesën e dytë. Në minutën e pesëdhjetë e një, Christopher Nkunku ka shënuar golin e parë pas një asistimi të saktë nga Sancho. Dominimi i “Bluve” ka vazhduar dhe vulën e fitores e ka vendosur Mudryk në minutën e tetëdhjetë e gjashtë, sërish pas një asistimi të Sancho.
