Alternative fur Deutschland, një parti e ekstremit të djathtë në Gjermani, ka publikuar programin e saj zgjedhor dhe idetë që përmban mund të përshkruhen si jashtëzakonisht radikale.
Në planet e saj për zgjedhjet e jashtëzakonshme në shkurt, AfD njoftoi se nëse vjen në pushtet do të kërkojë që Gjermania të tërhiqet nga Bashkimi Evropian.
AfD thotë se BE-ja “dëshiron të krijojë një supershtet ekonomik”, dhe në këtë drejtim ata duan gjithashtu që Gjermania të heqë euron si monedhë të saj.
Përveç kësaj, AfD njoftoi se do të kërkojë heqjen e sanksioneve ekonomike kundër Rusisë, si dhe financimin për riparimin e Nord Stream, tubacioni i gazit që lidh Rusinë dhe Gjermaninë.
Ide të tjera përfshijnë kufizimet për abortin dhe largimin nga Marrëveshja e Parisit për të luftuar ndryshimet klimatike.
Megjithatë, është e vështirë të pritet që AfD të vijë në pushtet. Ata janë aktualisht në vendin e dytë në sondazhet parazgjedhore me 19 për qind mbështetje, por të gjitha partitë, përfshirë CDU-në kryesore (32 për qind), kanë përjashtuar mundësinë e një koalicioni me ta.
