Prokuroria Themelore në Gjakovë ka ngritur aktakuzë ndaj të pandehurit E.Ll për veprën penale “Blerja, posedimi, shpërndarja dhe shitja e paautorizuar e narkotikëve.
Sipas aktakuzës, i pandehuri deri më datë 7 tetor rreth orës 15:00 në Gjakovë, pa autorizim dhe me qëllim të shitjes apo shpërndarjes, ka poseduar substanca apo preparate të cilat me ligj janë shpallur si narkotikë, substanca psikotrope ose analoge.
Gjatë bastisjes së shtëpisë së tij, nga ana e zyrtarëve policorë, janë gjetur dhe sekuestruar 99 qese plastike me substancë narkotike të llojit kanabis (marihuanë) të gjitha të sekuestruara në vendin e ngjarjes nga hetuesit policorë.
Prokurori i çështjes, sipas njoftimit i ka propozuar gjykatës që të pandehurin ta shpallë fajtor dhe të dënohet sipas ligjit për veprën penale e cila i vihet në barrë. /Kosovatimes/
