Përfaqësuesit e vendeve të Bashkimit Evropian nuk arritën sot të miratojnë paketën e 15-të të sanksioneve kundër Rusisë, e cila përfshinte zgjatjen e një përjashtimi për Republikën Çeke, e cila mund të importonte produkte të bazuara në naftën ruse, kryesisht përmes Sllovakisë, thanë sot diplomatë të paidentifikuar.
Dy anëtarë të BE-së kanë bllokuar miratimin e paketës për shkak të mosmarrëveshjeve rreth zgjatjes së afatit për tërheqjen e kompanive evropiane nga Rusia, thanë diplomatët, raportoi Reuters.
Shtetet anëtare të BE-së do të rishikojnë paketën e sanksioneve në një datë të mëvonshme.
