Obligimet dhe përgjegjësitë e medieve gjatë zgjedhjeve janë diskutuar sot në një tryezë të organizuar nga Komisioni i Pavarur i Medieve në bashkëpunim me OSBE-në ku të pranishëm ishin përfaqësues institucionesh, medieve dhe të shoqërisë civile. Aty u bë e ditur se KPM-ja ka përpiluar rregullore të re për monitorimin e medieve gjatë fushatës për zgjedhjet e 9 shkurtit.
Kryetari i KPM-së, Jeton Mehmeti tha se ligji kërkon nga vetë mediet që të jenë të drejtë gjatë fushatave zgjedhore.
“KMP-ja ka iniciuar hartimin një rregullore të re për sjelljen e medieve gjatë fushatës zgjedhore. Qëllimi i kësaj rregullore është fillimisht përmbledhja e të gjitha dispozitave ligjore në një vend, në mënyrë që mediet të kenë më të lehtë dhe më të qartë për obligimet e veta gjatë fushatës zgjedhore. Qëllimi i dytë është që të vendosen specifikacione për obligimet që janë lënë në kompetencë KMP-së dhe në theks të veçantë në vendosjen e kufirit, sasinë e kohës që transmetuesi mund t’ia shesë secilit subjekt politik”, tha ai.
Përfaqësuesja e OSBE-së aty, Pascale Roussy tha se është e rëndësishme që të respektohen rregullat nga mediet dhe informacionet të jenë të paanshme dhe të drejta.
Kreu i KQZ-së, Kreshnik Radoniqi tha se institucioni që ai drejton do të angazhojë monitorues në mënyrë që procesi zgjedhor të monitorohet me transparencë për qytetarët.
Në tryezë foli edhe Krenare Sogojeva që është Komisioneve për Informim dhe Privatësi që theksoi rëndësinë e respektimit të privatësisë së qytetarëve gjatë fushatës zgjedhore.
