Gjykata Kushtetuese ÇEKE hodhi poshtë të martën rastin e një burri, i cili, për arsye fetare, kërkoi përjashtimin nga rregulli që ndalonte buzëqeshjen në fotografitë e pasaportës dhe kartës së identitetit.
Kërkesa e burrit për të drejtën për të pasur një fytyrë të qeshur në kartën e tij të identitetit u refuzua nga gjykata në Pragë.
Sipas rregullores, fotografitë në dokumentet personale duhet të kenë një shprehje neutrale të fytyrës dhe e tij nuk i plotësonte këto kërkesa standarde.
Ai kërkoi një përjashtim nga kërkesa bazuar në përkatësinë e tij fetare me Ecclesiai Risorum, ose Kishën e Buzëqeshjeve.
Mesazhi kryesor i Kishës është përhapja e buzëqeshjeve mes njerëzve, tha ai.
Gjyqtarët vendosën se e drejta e tij për lirinë e fesë nuk ishte e kufizuar dhe vunë në dukje kërkesat e BE-së për shprehjet neutrale të fytyrës në fotot e identitetit për të siguruar identifikim të besueshëm.
Ata shprehën dyshime edhe për “seriozitetin” e bindjeve fetare të paditësit.
Pesë vjet më parë, Ministria Çeke e Kulturës hodhi poshtë kërkesën e Kishës së Buzëqeshjes për njohjen e statusit të një grupi fetar.
