Dy persona janë lënduar në lagjen ‘Emshir’ të kryeqytetit, kjo si pasojë e një aksidenti mes dy automjeteve.
Lajmin, për RTKlive, e ka konfirmuar, zëdhënësja e Policisë për Prishtinën, Flora Ahmeti, ajo ka thënë se aksidenti ka ndodhur rreth orës 20:15.
“Sot rreth orës 20:15 në lagjen Emshir në Prishtinë, ka ndodhur një aksident trafiku, ku kanë qenë të përfshira dy automjete. Si pasojë e aksidentit lëndime trupore kanë pësuar dy persona” ka thënë Ahmeti.
Bëhet e ditur se me rastin po merren hetuesit nga njësiti i trafikut.
