Siç shkruan ky portal, në takim kanë qenë të pranishëm zyrtarët më të lartë në shërbimet inteligjente të të dyja vendeve, ku fokus i veçantë ka qenë “koordinimi” i të gjitha lëvizjeve të këtyre dy vendeve.
Gjithashtu, zyrtarët jordanezë u ofruan të jenë një lloj ndërmjetësi midis qeverisë kalimtare siriane dhe Izraelit. Këto negociata mund të fillojnë së shpejti, sipas Axios.
Temë e bisedës ishte pushtimi izraelit i një pjese të Sirisë, e cila ndodhet në kufirin me këtë shtet.
Në këtë takim, si dhe më herët në bisedimet me bashkëpunëtorët e presidentit amerikan Joe Biden, Izraeli njoftoi se do t’i japë fund pushtimit kur të krijohet një “zonë ndarëse” midis Sirisë dhe këtij vendi.
Megjithatë, zyrtarët e qeverisë së re siriane janë skeptikë dhe kanë thënë në disa deklarata se pushtimi izraelit do të zgjasë “muaj”, sipas vlerësimit të tyre.
Ahmad al-Sharaa, lideri i grupit HTS dhe udhëheqësi informal i rebelëve, tha se pushtimi izraelit është një “përshkallëzim i panevojshëm” dhe ai gjithashtu theksoi faktin se me rënien e Asadit, “Irani nuk është më në Siria”, që sipas tij është një tjetër arsye pse Izraeli nuk duhet të jetë i pranishëm në këtë vend.
