Sipas njohësve të zhvillimeve politike në vendin tonë, zgjedhjet e 9 shkurtit 2025, do të jenë zgjedhje të veçanta të cilat do të përcillen e karakterizohen me një fushatë të egër lobuese nga kandidatët për deputet, sepse për dallim nga zgjedhjet e kaluara kur votoheshin 5 kandidat, ndryshimi i ligjit mundëson votimin për 10 kandidat brenda listës.
Ashpërsia e garës do të imponohet edhe nga fakti që listat për kandidat nuk janë hartuar sipas renditjes alfabetike por sipas meritokracisë imagjinative të përcaktuar nga lideri i partisë i cili ne krye të listës përreth vetes ka mbledhur kandidatë më të dëgjueshëm të cilët ndër vite kanë ditur për të notuar në politikë dhe përfituar edhe pse nuk mund të thuhet se e kanë merituar.
Agim Bajrami: Po vjen legjislatura amatore e masterave, partitë politike shopërfillësert më të mëdha të vlerave politike dhe akademike
Analisti politik Agim Bajrami, duke parë kandidaturat e prezantuara nëpër listat për kandidat, vlerëson se legjislatura që do të formohet pas 9 shkurtit 2025, do të jetë tepër e dobët, duke konstatuar se legjislatura e vitit 2002, me deputetët e të gjitha parive politike, ishte legjislatura më meritore që ka pasur Kosova në historikun e parlamentarizmit të pas luftës.
“Atëherë, përzgjedhja e kandidatëve për deputet ka dominuar nga kriteret si; kontributi në arsim,shkencë,kulturë, në çlirimin e vendit, dhe ajo legjislaturë njihet si më e përgjegjshmja dhe më e merituara. Sot ka devijuar, dhe propozimi i kandidatëve për deputet të caktuara në listat e partive, përveç tjera,kandidatët e propozuar, alfabetin shqip nuk e dinë, dhe çka pritet për angazhimin e tyre përveç zhvatjes së buxhetit të taksapaguesve. Po të krahasohen shtetet me demokraci të avancuar, deputet në parlament bëhen, shkencëtarët që kanë kontribute të jashtëzakonshme shkencore,në art,kulturë,arsim,ekonomi, drejtësi, diplomaci,dhe në siguri. Gjeneralet me kontribute të jashtëzakonshme në forcat e armatosura… Shih,kuadrat e përzgjedhura nga presidenti Trump, apo në vendet e BE-së dhe mosha e tyre mbi 65 vjeç kryesisht”, tha Bajrami për “Kosova Times”.
Ndryshe sipas tij, në Kosovë vlerat e mirëfillta shpërfillen dhe injorohen.
“Në Kosovë kriteri i kandidatit për deputet, manipulant, i padijshëm me një letër MASTER-i pa vlerë,injorant,dhe pa asnjë libër të lexuar, dhe mosha deri në 35 vjet dhe me pamje të bukur dhe me mendje bosh,dhe me facebook të hapur,për shpërndarje të propagandës partiake. Dhe çka pritet nga kjo legjislaturë, asgjë e mirë. Dhe a duhet të votohen ky korpus i kandidateve injorant,që ofrojnë partitë politike në Kosovë. të vlerësohet nga secili”, thotë Agim Bajrami.
Blerim Burjani:Votimi për 10 kandidat në listën partiake ashpërson garën e brendshme dhe nxitë vjedhjen e votave brenda llojit
Njohësi me përvojë i traditës elektorale në vend, Blerim Burjani, thotë se këto parregullsi që hasen në prezantimin e listave me kandidat për deputet, për partitë politike janë okej, krejt në rregull, dhe askush nuk mundë të imponon një zgjidhje ndryshe, pavarësisht se si e sheh opinion publik dhe votuesi.
“Renditja bëhet sipas partisë që e konsideron që është i pranueshëm për nevoja të brendshme, por lista e hapur është. Pra nuk ka ndonjë diskriminim apo favorizim të dikujt në listë, por ajo që është e keqe dhe e dëmshme është votimi i 10 kandidatëve gjë që mund ta lëndojë legjitimacionin e zgjedhjeve. Skanimi i individual i votave apo kamerat nuk mund të sigurojnë një proces të shpejtë,efektiv të përmbylljes së punës së KQZ-së. Në listën e hapur është një zhvillim i demokracisë kontroverse në mes të të njëjtës parti. Pra në garë janë edhe vetë kandidatët brenda një partie dhe më pastaj kundër partive tjera, Pra kështu ishte për një kohë të gjatë, dhe kishte hatërmbetje dhe largim nga partit për shkak të vjedhjes së votave nga komisionerët”, tha Burjani për “Kosova Times”.
Dardan Grapci: Dënimi I mashtruesve do të ndodhë me votën e ligjshme të votuesit-popullit
Për analistin politik dardan Grapci, kjo fushatë e filluar para kohe nga partitë politike është ilegale, e kundërligjshme dhe do të duhej ndëshkuar nga KQZ, por derisa KQZ nuk e bënë këtë, dënimi meritor për egërsinë e fushatës mashtruese do të godet nga vetë qytetarët.
“E kam cekur më përpara, dhe do e ceki përsëri, këto fushata që po bëhen nga partitë politike janë ilegale dhe KQZ-ja nuk e di pse nuk po i dënon këto parti. Po them kështu sepse fushata e vërtetë do të fillojë në fillim të janarit. Këto fushata që i kanë filluar partitë politike nuk mendoj që po hyjnë e po ndikojnë në veshët e popullit. Një gjë e di se pa marrë parasysh a janë 5 apo 10 kandidat për tu votuar në listë, pavarësisht nga lobimi i tyre, në fund vendos populli, dhe të gjithë ata që e kanë mashtruar popullin do të dënohen nga populli”, tha Grapci për “Kosova times”.
