Zëvendësminitrja e Ministrisë për Kulturë, Rini dhe Sport, Daulina Osmani, ka thënë se rezultatet e fundit të Kosovës në futboll janë shpresë për suksese shumë të mëdha në të ardhmen.
Ajo ka folur në ndejën e fundvitit të organizuar nga Federata e Futbollit e Kosovës.
“Kosova ka filluar ta krijojë momentumin e saj. Angazhimi dhe rezultatet në ndeshjet e fundit janë shpresë për suksese shumë të mëdha që na presin në të ardhmen. Edhe renditja botërore, ku ne klasifikohemi në pozitën e nëntëdhjetë e nëntë, pa dyshim që është më e larta ndonjëherë. Mirëpo, kjo asnjëherë nuk duhet të na mjaftojë, sepse duhet vazhdimisht t’ia rikujtojmë vetes se kemi edhe nënëdhjetë e tetë shtete para nesh që duhet të synojmë t’iu afrohemi”, ka thënë Osmani.
