Kryetari i komunës së Vitisë, Sokol Haliti, ka pritur sot në një takim ish-kryeministrin e Kosovës, Bajram Kosumi, i cili aktualisht është rektor në Universitetin “Kadri Zeka” në Gjilan, si dhe Prof. Dr. Merxhan Avdylin.
Gjatë takimit, kryetari Haliti ka nderuar Kosumi dhe Avdyli me mirënjohje, duke shprehur respekt dhe falënderim për kontributin e tyre të rëndësishëm kombëtar dhe arsimor. Në këtë ceremoni, është vlerësuar angazhimi i tyre për avancimin e arsimit dhe kulturës kombëtare, si dhe përkushtimi ndaj zhvillimit të komunitetit.
Ndërkaq, Prof. Dr. Merxhan Avdyli pritet të promovojë sot tre nga librat e tij më të fundit: “Brenda librit”, “Asgjë si atëherë” dhe “Autorë të zgjedhur të letërsisë shqipe”. Ky promovim do të mbahet në sallën e Kuvendit Komunal, në Shtëpinë e Kulturës “Gursel e Bajram Sylejmani” në Viti. /Kosovatimes/
