Sot, në 35 vjetorin e themelimit të Lidhjes Demokratike të Kosovës, Jusuf Buxhovi, studiues dhe historian, i cili është njëri nga themeluesit e LDK-në dhe i zhvillimeve politike të atyre viteve të rënda për Kosovën, promovoi librin e tij “Vitet e Gjermanisë”.
Arsyet e botimit të librit “Vitet e Gjermanisë”, Buxhovi, në Lajmet e fundit”, në RTK, tha se janë ato historike, kulturore, politike dhe profesionale.
“Lidhjet historike shqiptaro-gjermane janë ndër më të vjetrat që njihen në kontinentin tonë’, tha ai.
Sipas tij gjermanët e kanë krijuar albanologjinë që na ka munguar ata e kanë hapur një dritare në botë veçmas në rrethanat kur në shekullin e 18, 19 e tutje kur rusët, serbët dhe të gjithë ata që kanë dashur që etninë shqiptare ta gllabërojnë është hapë teza se shqiptarët janë të ardhur dhe skano histori. Ndërkohë që siç tha ai shkencëtarët gjerman e kanë treguar të kundërtën për shqiptarët.
“Deri te kongresi i Berlinit e tutje është lidhja historike shumë e rëndësishme. Por edhe mbas kongresit të berlinit e tutje gjermania vazhdimisht ka treguar interesim për çështjen shqiptare”, tha Buxhovi.
Buxhovi shtoi se më e rëndësishmja është kur ka filluar kriza e Jugosllavisë dhe kur ka rënë autonomia e Kosovës, kur filloj politika hegjemoniste e Millosheviçit, Gjermania e ka mundësuar që një pjesë të qeverisë së përkohshme të Kosovës të rezidojë në Gjermani “ndër ta ka qenë Bukoshi në Bon me pjesën më të madhe të ministrave”.
Por ai shtoi se edhe rezistenca e armatosur në kohën kur ka filluar që të dinamizohet një pjesë që ju kanë bashkuar UÇK-së kanë kaluar nëpër hapësirën gjermane.
