Tajlanda ka pranuar ftesën për t’u bërë një vend partner i BRICS dhe shpreson t’i bashkohet organizatës si një anëtar i plotë në periudhën e ardhshme, njoftoi sot Ministria e Punëve të Jashtme të vendit.
Zëdhënësi i ministrisë tha në konferencën për shtyp se Tajlanda mori një ftesë zyrtare për t’u bërë partner i BRICS nga kryetari i asaj organizate, Rusia, më 31 tetor dhe se më 24 dhjetor në mbledhjen e kabinetit u vendos që të jepet një përgjigje pozitive ndaj asaj ftese, raporton RIA Novosti.
Siç tha ai, në të njëjtën ditë, ministri i Jashtëm i Tajlandës i dërgoi një letër homologut të tij rus ku shprehte dakordësinë e Tajlandës për t’iu bashkuar BRICS-it si vend partner.
