Portugezi Joao Felix mund të bëhet pjesë e futbollit turk.
Felix duket se gjatë këtij dimri, do ta mbyll aventurën tek Chelsea pasi ai nuk po gjen hapësirë të duhur në skuadrën londineze.
Felix verën e kaluar iu bashkua Chelsea-s nga Atletico Madrid për shifrën 55 milionë euro, por lojtari ende nuk po ia del të gjejë formën e tij më të mirë.
Sipas medieve të huaja, trajneri i Fenerbahces, Jose Mourinho dëshiron transferimin e Felix në afatin kalimtar të janarit.
Krerët e klubit nga Stambolli thuhet se do të nisin negociatat me Chelsean dhe agjentin e portugezit për të provuar që të transferojnë tek Fenerbahce.
Mourinho siç raportohet, është në kërkim të një sulmuesi, ku në ‘radarin’ e strategut portugez është sulmuesi kosovar i Mallorcas, Vedat Muriqi, madje, Fenerbahce është gati t’ia ofrojë Mallorca-s 10 milionë euro për yllin e kombëtares së Kosovës.
