Mbrojtësi Trent Alexander-Arnold thuhet se e ka informuar Liverpoolin se dëshiron t’i bashkohet Real Madridit në fundin e sezonit.
Anglezi po hynë në gjashtë muajt e fundit të kontratës, kurse është prioritet i madrilenëve për verën e vitit 2025.
“Marca” raporton se Alexander-Arnold tashmë ia ka bërë të qartë Liverpoolin se dëshiron t’i bashkohet Realit, kësisoj nuk ka pranuar të rinovojë kontratën.
Liverpooli gjithashtu nuk dëshiron ta shet në janar, duke preferuar që ta lejojnë të largohet si agjent i lirë, pavarësisht që është ndër lojtarët më të rëndësishëm në “Anfield”.
Mbetet të shihet nëse skuadra angleze do të bëjë ndonjë përpjekje tjetër për ta bindur Alexander-Arnoldin të ndryshojë mendje, kontrata e të cilit skadon në qershorin e vitit 2025.
Liverpooli përndryshe po negocion edhe me Virgil van Dijk e Mo Salah për rinovimin e kontratave, që gjithashtu iu përfundojnë në verën e 2025.
