Ekipi i Shërbimit të Shpëtimit Malor (GSS) të Novi Grad Sarajevës pati sot një ndërhyrje të pazakontë në një kopsht fëmijësh të Sarajevës.
Gjegjësisht, mëngjesin e sotëm ekipi i GSS ka marrë një telefonatë nga kopshti “Aneks”. Një burrë i maskuar si Babadimri i cili duhej t’u dërgonte pako fëmijëve nga ky institucion arsimor ka mbetur i ngecur në çati.
Sipas tyre ai ka humbur orientimin nga mjegulla e dendur.
Fëmijët morën pako
“Shpëtuesit tanë arritën shpejt dhe e ulën me kujdes në një vend të sigurtë, ndërsa fëmijët me entuziazëm e shikonin aksionin përmes dritareve,” tha GSS Novi Grad Sarajeve.
Ata shtuan se Babadimri i falënderoi për ndihmën e dhënë dhe i shpërndau pakot në kohë, duke sjellë buzëqeshje në fytyrat e të gjithë të pranishmëve.
“Një tjetër ndërhyrje e paharrueshme”, thanë ata.Edhe pse nuk tregohet, supozohet se është një shfaqje për fëmijë e interpretuar nga ekipi i GSS Novi Grad Sarajeve.
