Kryesuesi i Këshillit Prokurorial të Kosovës, Ardian Hajdaraj, deklaroi se Prokuroria Speciale e Kosovës e ka mbështetjen e plotë të KPK-së.
I pyetur për refuzimin e kryeministrit Albin Kurti për të shkuar në Prokurori, pas ftesës që kjo e fundit i ka bërë atij për të dëshmuar për rastin e rezervave shtetërore, duke mos dashur të komentojë më shumë, Hajdaraj tha se të gjithë janë të barabartë para ligjit.
Kryeministri Kurti dy herë nuk i është përgjigjur ftesës së Prokurorisë për intervistim, duke dhënë si mundësi që prokurorët të shkojnë në zyrën e tij për ta intervistuar.
