Ribashkimi i Kinës me Tajvanin është më afër se kurrë, duke pasur parasysh forcën e Pekinit për të arritur këtë qëllim, tha për RIA Novosti ambasadori kinez në Rusi Zhang Hanhui. “Kina është më afër se kurrë më parë në histori për arritjen e ringjalljes së madhe të kombit kinez, ajo është plot besim dhe ka forcë për të arritur këtë qëllim, si dhe më shumë besim dhe forcë për të arritur bashkimin e plotë të vendit. ”, tha ambasadori.
Hanhui theksoi se Tajvani do t’i bashkohet sërish atdheut kinez, duke e përshkruar atë si një ngjarje historike që “askush dhe asgjë nuk mund ta ndalojë”, duke theksuar se vendosmëria e Kinës për mbrojtjen kombëtare, sovranitetin dhe integritetin territorial nuk duhet të nënvlerësohet.
Në një fjalim të Vitit të Ri të martën, presidenti kinez Xi Jinping përsëriti vizionin e tij të unitetit midis Tajvanit dhe Kinës kontinentale, duke i përshkruar të dyja palët si “një familje” dhe duke argumentuar se bashkimi i tyre ishte një pashmangshmëri historike.
“Ne do të ndjekim pa u lodhur drejtimin tonë politik “një vend, dy sisteme”. Ne do të ruajmë prosperitetin dhe stabilitetin afatgjatë të Hong Kongut dhe Makaos. Bashkatdhetarët në të dy anët e ngushticës janë një familje dhe askush nuk mund të thyejë Lidhjet tona gjaku dhe farefisnore askush nuk mund ta ndalë trendin historik të bashkimit të atdheut”, tha Xi në një fjalim drejtuar kombit.
