Fiqtë e pjekur me djathë dhie janë një meze e lehtë dhe freskuese, e cila ndërthur aromat interesante dhe nxjerr frymën e kuzhinës franceze. Me një pamje elegante dhe festive, këta fiq janë servirja perfekte që do të magjepsin mysafirët tuaj si në shikim të parë ashtu edhe në kafshatën e parë.
Fiqtë e pjekur me djathë dhie mund të përgatiten shumë lehtë, edhe nëse nuk jeni aq të aftë në kuzhinë – mjafton të merrni përbërës cilësorë dhe të ndiqni një recetë të thjeshtë:
Fiq të pjekur me djathë dhie
Përbërësit:
- 6 fiq
- 200 g djathë te bute dhie
- 85 gr arra
- 6 lugë vaj ulliri dhe pak më shumë për lyerje
- 3 lugë gjelle uthull balsamike
Përgatitja:
- Ngroheni furrën në 180 gradë C. Vini një fletë pjekjeje me fletë metalike dhe më pas lyejeni lehtë me vaj.
- Pritini fiqtë në katër pjesë dhe fundin e lini të paprerë në mënyrë që të mos prishen gjatë pjekjes. Vendosini ato në një fletë pjekjeje.
- Pritini në feta djathin e dhisë dhe me të mbuloni mesin e fiqve. Piqeni për 10-15 minuta derisa djathi të shkrihet dhe të marrë ngjyrë të artë.
- Përgatitni salcën duke përzier vaj ulliri dhe uthull balsamike me erëza sipas dëshirës.
- Vendosni disa gjethe radichio në çdo pjatë servirjeje. Hiqni fiqtë nga furra dhe vendosini mbi gjethet e radikios. I spërkasim me arra, i hedhim sipër salcës dhe e servirim. E këndshme!
