Sonte ka pasur të shtëna me armë zjarri në Gjermani ku dy persona kanë mbetur të vrarë dhe një i tretë është plagosur.
Siç shkruan tabloidi gjerman Bild, një sulmues i maskuar dhe i armatosur hyri në ambientet e kompanisë Hanel në qytetin gjerman Bad Friedrichshall në shtetin jugor gjerman të Baden-Wuerttemberg pak para orës 18:00.
Në sulm, ai vrau dy persona dhe plagosi rëndë një. Sipas të dhënave jozyrtare, viktimat janë punonjës të kësaj kompanie.
Policia gjermane është në terren duke hetuar këtë sulm dhe janë thirrur forcat speciale. Vrasësi është në arrati dhe helikopteri po e kërkon.
Për cilën kompani bëhet fjalë?
Në faqen zyrtare të kompanisë gjermane ku ndodhi sulmi thuhet se “për mbi 70 vjet, emri Hänel ka përfaqësuar produkte me cilësi të lartë dhe zgjidhje inovative për intralogjistikë efikase”.
“Sot, ne jemi një nga prodhuesit kryesorë në botë të sistemeve të automatizuara të ngritjes vertikale dhe sistemeve të ruajtjes rrotulluese për aplikime industriale dhe zyre,” thuhet në përshkrimin e kompanisë.
