UNIONI EVROPIAN nuk do të lejojë vendet e tjera të sulmojnë kufijtë e tij sovranë, tha ministri i Jashtëm francez në përgjigje të komenteve të presidentit të zgjedhur të SHBA-së, Donald Trump, për marrjen e kontrollit të Groenlandës.
Trump refuzoi të përjashtonte veprimet ushtarake ose ekonomike si pjesë e dëshirës së tij të hapur që Shtetet e Bashkuara të marrin kontrollin e Groenlandës dhe Kanalit të Panamasë.
“Nuk mund të bëhet fjalë që Bashkimi Evropian do të lejojë vendet e tjera të botës të sulmojnë kufijtë e tij sovranë”
Ministri i Jashtëm francez Jean-Noel Barrot tha se ai nuk besonte se SHBA do të sulmonte ishullin e madh Arktik, i cili ka qenë pjesë e Danimarkës për më shumë se 600 vjet.
“Është e qartë se nuk mund të diskutohet që Bashkimi Evropian do të lejojë vendet e tjera të botës të sulmojnë kufijtë e tyre sovranë, kushdo qofshin ata”, tha ai për radion France Inter.
“Ne jemi një kontinent i fortë,” shtoi ai.
Deklaratat e Trump ilustruan më tej axhendën e tij ekspansioniste dy javë përpara inaugurimit të tij më 20 janar në Uashington.
“Nëse më pyesni nëse mendoj se Shtetet e Bashkuara do të pushtojnë, përgjigja ime është ‘jo’. Por a kemi hyrë në një periudhë në të cilën është çështje e mbijetesës së më të fortit? Atëherë përgjigja ime është ‘po'”, tha Barrot. .
Ai tha gjithashtu se Unioni nuk duhet të lejojë që të frikësohet apo të shqetësohet tepër, por duhet të zgjohet dhe të forcohet.
