Për ata që kërkojnë qetësi, Poslishta ofron natyrën që jep mundësi për të kaluar një ditë relaksuese. Ky fshat ka fituar famë si një vend për peshkim, është i pasur me bukuri natyrore dhe atraksion për turistët.
“Poslishta ka kapacitet për turistë për momentin jemi ne sezonin dimëror nuk ka edhe aq, por gjate sezonit veror dhe pranveror ka në numër të konsiderueshëm mjaftë të madh”, ka thënë Medi Islamaj, banor.
Ai konfirmon se migrimi ka kapluar edhe këtë zonë. Përmend peshkimin si një nga karakteristikat e këtij rajoni.
“E ka një karakteristikë të peshkimit, peshkun autokton troftë që e quajmë në origjinal, por është në zhdukje e sipër”, thotë ai.
Safet Alushaj një banor i vjetër i fshatit tregon se këtu ka edhe shumë vizitorë nga Shqipëria.
Gurra, që rrethon një pjesë të mirë të Poslishtës, është e pasur me peshq, si trofta autoktone, që e kthen në një vend të mrekullueshëm për pasionantët e peshkimit.
Komuna e Prizrenit është në përfundim të një projekti infrastrukturorë që do ta kthejë Gurrën e Poslishtit një atraksion turistik që do të kapërcejë kufinjtë lokalë në zhvillimin e turizmit rural.
