Qeveria e Republikës së Kosovës ka mbajtur një mbledhje elektronike, ku ka ndarë një mbështetje financiare prej 100 mijë euro për familjen e veprimtarit të vrarë, Enver Hadri.
Kjo mbështetje do të përdoret për mbulimin e shpenzimeve për procesin gjyqësor që ka filluar në Gjykatën Penale në Bruksel, në lidhje me çështjen penale kundër të akuzuarve për vrasjen e Hadrit, i cili u vra në Belgjikë në vitin 1990.
Enver Hadri, një aktivist i njohur i çështjes kombëtare, ka qenë një figurë e rëndësishme për Kosovën, dhe vrasja e tij ka mbetur një ngjarje e pazbardhur.
