Një studente japoneze (22) është arrestuar me dyshimin se ka plagosur tetë persona gjatë një sulmi me çekiç në kampusin Tama të Universitetit Hosei në Tokio perëndimore më 10 janar, tha policia, siç raportohet nga Asahi .
Ndër lëndimet kishte edhe plagë në kokë, por të gjithë të lënduarit kanë mbetur të vetëdijshëm, shkruan Asahi. Sipas tyre, policia ka marrë një denoncim rreth orës 15:50 se studenti “po tundte çekiçin dhe godiste studentët që janë ulur në ligjëratë”.
E dyshuara 22-vjeçare është arrestuar në kampusin e vendosur në qytetin Machida. Dyshohet se, sipas Asahit, ajo u ka thënë hetuesve se ka humbur durimin dhe ka përdorur një çekiç për të goditur studentët që po ndiqnin leksionet.
Sulmi ndodhi në ndërtesën ku ndodhet departamenti i sociologjisë. “Zjarrfikesit dhe policia janë në kampusin Tama duke hetuar incidentin,” tha një përfaqësues i universitetit.
