Kryeministri kanadez, Justin Trudeau, ka ripërsëritur se Kanadaja nuk ka ndërmend të bëhet shteti i 51-të i SHBA-së.
Në një konferencë për media në shtëpinë e tij në Florida Mar-a Lago, të martën, presidenti i zgjedhur i SHBA-së, Donald Trump tha: “Kanadaja dhe Shtetet e Bashkuara, kjo do të ishte vërtet diçka”, raporton BBCnews.
Pas kësaj kishte reaguar, kryeministri Trudeau. Ai tha se nuk kishte një shans që të dy vendet të bashkoheshin.
Në një intervistë të dielën, kryeministri kanadez shtoi, “Unë e di se si një negociator i suksesshëm (Trump) pëlqen t’i mbajë njerëzit jashtë ekuilibrit. Shteti i 51-të, nuk do të ndodhë”.
