Presidenti i Ukrainës Volodymyr Zelensky ofroi ndihmën e zjarrfikësve ukrainas për autoritetet lokale në Los Anxhelos, pasi u kritikua nga Donald Trump Jr., djali i presidentit të sapozgjedhur të SHBA-së, Donald Trump.
Zelensky tha se ai udhëzoi Ministrinë e Brendshme që të përgatiste një ekip nga Ukraina që do të merrte pjesë në shuarjen e zjarreve që kanë shpërthyer prej disa ditësh në Los Angeles.
Oferta vjen disa ditë pasi Trump Jr. në rrjetin social X tha se autoritetet amerikane “kanë para për Ukrainën, por jo për Los Anxhelosin”.
Në veçanti, Trumpi më i ri ishte shqetësuar nga dhurimi i zjarrfikësve nga Los Anxhelosi në Ukrainë përpara se të fillonin zjarret katastrofike që rezultuan në vdekjen e të paktën 24 personave dhe qindra miliona dollarë dëme materiale.
Një kritikë e shpeshtë e bashkëpunëtorëve të liderit të ardhshëm të SHBA-ve, veçanërisht atyre më konservatorëve, është se në Ukrainë dërgohen shumë para, për këtë arsye ata shpesh hynë në konflikte të drejtpërdrejta me Zelenskin.
Kjo vjen veçanërisht në fokus kur një fatkeqësi natyrore godet SHBA-në, siç është rasti me këto zjarre dhe, disa muaj më parë, uragani Milton.
Ndërsa bashkëpunëtorët e tij, si dhe anëtarët e familjes së tij, kritikuan ashpër Zelenskiy dhe Ukrainën, Trump kishte një ton disi më të butë.
Që nga fitorja e Trump në nëntor, Zelenski ka thënë publikisht se nuk do të ketë ndryshim në qëndrimin e Uashingtonit ndaj situatës në Ukrainë dhe se Trump do të vazhdojë të mbështesë vendin e tij.
