Janë bërë 43 vjet nga vrasja e vëllezërve Jusuf e Bardhosh Gërvalla si dhe Kadri Zekës, veprimtarëve të shquar të çështjes kombëtare.
E bija e Jusuf Gërvallës, kryediplomatja kosovare, Donika Gërvalla, ka zgjedhur që atë ta përkujtojë përmes rreshtash të nxjerrë nga ditari i tij, të shkruara në vitin 1979.
“Pas të gjitha gjasave, Kosova ime po hy në rrezik të madh, por pikërisht duke hyrë në këtë rrezik do ta gjejë edhe shpëtimin. Jetën po e jetoj falas, deri sa të më jepet rasti (nderi) që ta jap për Kosovën, Shqipërinë, për shqiptarizmin.” Jusuf Gërvalla, Fletë nga ditari 30 dhjetor 1979, (16 ditë pas largimit nga Kosova)”, ka shkruar Gërvalla në këtë ditë përkujtuese për të atin e saj.
Jusuf e Bardhosh Gërvalla e Kadri Zeka u vranë nga një atentat më 17 janar të vitit 1982.
