Koalicioni AAK, Nisma, Lista Konservatore dhe Forumi Intelektual E-30, ka shpalosur programin qeverisës në Vitomiricë të Pejës. Drejtuesit e këtij koalicioni, premtuan zhvillim në bujqësi e ekonomi për këtë rajon të Dukagjinit.
Kandidati i AAK-së për deputet, Daut Haradinaj,gjatë takimit më banorët e Vitomirices, tha se Lista e AAK-së me partnerët e koalicionit është vlerë kombëtare për zhvillimin e vendit.
“Në numrin 137 keni vlera kombëtare, keni sportistë keni mjekë, keni akademikë, keni diasporë të vlefshme, keni mjek”, tha ai.
Arbër Tolaj, kandidat për deputet nga AAK-ja ka thënë se me Ramush Haradinajn kryeministër, Kosova fiton zhvillimin ekonomik dhe anëtarësim në NATO. Poashtu shëndetësi dhe arsim më të mirë.
“Ne jemi forca e ndryshimit, aleanca e ka një lider e ka një burrështetas e ka njeriun e luftës dhe të paqes dhe rreth tij duhet të për bashkohemi sepse ai mund të garantoj anëtarësimin në NATO. Lista e aleancës është më e mirë, me shumë njerëz të dëshmuar në të gjitha fushat, në shëndetësi, ekonomi e të tjera fusha”, ka thënë ai.
Ndërsa Shemsedin Dreshaj kandidat për deputet ka thënë se 9 shkurti është dita D’ për Kosovën.
“Ju ftoj që më 9 shkurt të dilni dhe votoni të dijshmit dhe ata që janë të përkushtuar për vendin…”, ka bërë thirrje ai.
Edhe Emine Daci kandidate për deputete nga AAK, premtoi zhvillim në bujqësi e ekonomi për Vitomiricën.
Ali Berisha kryetar i Degës së AAK-së në Vitomiricë, tha se Aleanca ka program me 19 qëllime strategjike dhe 100 objektiva.
Përfaqësuesit e Koalicioni AAK, Nisma, Konservatorët dhe intelektualët, u zotuan edhe për anëtarësim të shpejtë të Kosovës në aleancën veriatlantike, NATO. /Kosovatimes/
