Ëndrra e Arsenal për titullin në Premier League ka pësuar një goditje të shtunën kur Aston Villa ka nxjerrë barazim në “Emirates Stadium”.
Ndeshja është mbyllur me rezultat 2-2.
Skuadra e Mikel Arteta ka pasur një fillim premtues dhe ka qenë pranë epërsisë së hershme kur Gabriel Martinelli ka krijuar një mundësi të artë, por portieri Emiliano Martinez ka ndërhyrë me sukses.
Në anën tjetër, Aston Villa ka rrezikuar me një goditje të Ian Maatsen, të cilën David Raya ka arritur ta ndalë.
Arsenal e ka zhbllokuar rezultatin në minutën e tridhjetë e pestë, kur Leandro Trossard ka dhënë një krosim për Martinelli, i cili e ka çuar topin në rrjetë për golin e tij të shtatë në këtë sezon.
Në fillim të pjesës së dytë, “Topçinjtë” e kanë dyfishuar epërsinë. Trossard ka qenë sërish vendimtar, duke dhënë një asistim të saktë për Kai Havertz, i cili ka realizuar golin e dytë për vendasit.
Por Aston Villa nuk është dorëzuar. Brenda pesë minutave, Youri Tielemans e ka ngushtuar rezultatin pas një krosimi nga Lucas Digne, ndërsa në minutën e gjashtëdhjetë e tetë, Ollie Watkins e ka shënuar golin e barazimit pas një asistimi nga Matty Cash.
Arsenal ka menduar se e kishte siguruar fitoren në minutën e tetëdhjetë e tetë kur Mikel Merino e ka dërguar topin në rrjetë, por goli është anuluar për shkak të një prekjeje të topit me dorë nga Havertz.
Në kohën shtesë, Merino e ka goditur shtyllën, por Aston Villa e ka mbajtur presionin dhe e ka siguruar një një pikë.
Pas ndeshjeve të sotme, Liverpool kryeson tabelën me pesëdhjetë pikë, gjashtë më shumë se sa Arsenal në vendin e dytë.
