Presidenti i Republikës Srpska Milorad Dodik uroi Aleksandër Lukashenkon për fitoren e tij në zgjedhjet presidenciale në Bjellorusi, që është mandati i shtatë i presidentit bjellorus.
“Mbështetja që populli i Bjellorusisë ju tregoi në zgjedhje do të kontribuojë në stabilitetin politik dhe ekonomik të vendit”, tha Dodik në një mesazh urimi të publikuar në platformën X.
Sipas rezultateve paraprake të KQZ-së, presidenti aktual i Bjellorusisë, Aleksandër Lukashenko, fitoi një mandat të ri në zgjedhjet presidenciale të djeshme me rreth 87,6 për qind të votave, ndërsa kandidatët e tjerë morën nga një deri në tre për qind të votave, raportojnë mediat bjelloruse.
