Ditën e sotme, ish-Presidenti Ilir Meta, do të dalë për disa orë nga qelia ku po qëndron, për t’u dërguar në ambientet e Prokurorisë së Posaçme.
Mësohet se Meta do të paraqitet në SPAK në orën 10:00.
Ilir Meta, do të pyetet nga prokurorët e posaçëm në lidhje me dosjen “CEZ-DIA”, për të cilën dhe akuzohet.
SPAK e akuzon Ilir Metën, se ka ndërmarrë veprime korruptive për kontratën CEZ-DIA, në kohën kur ka qenë ministër i Energjetikës gjatë qeverisjes “Berisha 2”.
Ish-Presidenti reagoi në rrjetet sociale nga qelia për marrjen në pyetje ditën e martë, duke thënë se do të jetë ai që do t’i marrë në pyetje hetuesit.
Pa dyshim që do jem atje për t’i marrë unë në pyetje dhe pas kësaj seance jam i hapur për çdo pyetje nga mediat që do të jenë të pranishme”, shkruhet në Facebookun e Ilir Metës.
