Paketa e re e sanksioneve të BE-së do të përfshijë kufizime ndaj mediave të njohura pro-Kremlinit, shkruan Sistema (projekt investigativ i Radio Liberty), e cila ka marrë draft dokumentin.
Kufizimet do të përfshijnë agjencinë TASS, publikimin online Lenta.ru, kanalin televiziv të Ministrisë së Mbrojtjes Ruse Zvezda dhe gazetën Krasnaya Zvezda, faqen e internetit pro-Kremlinit të Krimesë NewsFront dhe media të tjera propagandistike.
Sanksionet nënkuptojnë ndalimin e plotë të transmetimit, shpërndarjes dhe promovimit të përmbajtjes së këtyre mediave. Ofruesve të internetit të BE-së do t’u kërkohet të bllokojnë aksesin në këto burime.
RT dhe Sputnik tashmë janë nën sanksione në Evropë. Disa media të tjera pro Kremlinit janë të ndaluara në disa vende të BE-së, kryesisht në shtetet baltike.
Më herët, më 29 janar, Bloomberg shkroi se si pjesë e paketës së re të sanksioneve, është planifikuar edhe shkëputja e 15 bankave ruse nga SWIFT.
