Ish-presidenti i Federatës së Futbollit të Francës, Noel Le Graet, është takuar këtë javë me sulmuesin e Real Madridit, Kylian Mbappe, për të diskutuar rreth të ardhmes së tij me kombëtaren franceze.
Tek ‘Gjelat’ janë të shqetësuar se Mbappe mund të tërhiqet nga ekipi kombëtar, për shkak të marrëdhënieve të tensionuara me mediat lokale.
Pas takimit në Madrid, Le Graet foli për “Le Parisien”.
“Gjithçka shkoi shumë mirë. Kylian ishte i mrekullueshëm. Folëm për një kohë të gjatë dhe shkëmbyem disa biseda të vogla. Ishim shumë të lumtur që u takuam. E përgëzova për nivelin e tij të lojës dhe gjithçka që po bën ai aktualisht. Ai më tha se ndihet i lumtur në Madrid”, ka thënë Le Graet.
“I thashë: ‘Mbi të gjithat, mos e lë Francën, kemi nevojë për ty’. Ndërsa ai u përgjigj: ‘Mos u shqetësoni, president, do të jem me ‘Les Bleus’ në mars dhe në formë shumë të mirë’”, ka pohuar Le Graet.
