Zyrtarë të shumtë dhe përfaqësues të shërbimeve speciale në Uashington mbajtën një konferencë urgjente për shtyp ku folën për rrëzimin e avionit jo shumë larg aeroportit të këtij qyteti amerikan.E para që foli ishte kryebashkiaku i Uashingtonit, Muriel Bowser.
“Kjo është një ngjarje tragjike. Shërbimet e urgjencës po punojnë me zell në kushte shumë të errëta dhe të ftohta për të shpëtuar njerëzit nga lumi,” tha ajo.
Në pyetjen e një gazetari nëse mund të flitet për numrin e të vdekurve, kryebashkiaku nuk ka dashur t’i përgjigjet kësaj pyetjeje.
Senatori i Kansasit, Jerry Moran, i cili është gjithashtu anëtar i nënkomitetit të Senatit për sigurinë e aviacionit, tha se Kongresi do të përfshihet në hetimin e përplasjes.
“Kemi një situatë vërtet të rëndë dhe të trishtueshme. Ne lutemi që shpëtimtarët tanë të jenë të sigurt dhe shpresojmë që të ketë pasagjerë të mbijetuar. Këtë e kuptoj personalisht, kam udhëtuar shpesh në këtë fluturim”, tha senatori.
John Donnelly, kreu i shërbimeve të urgjencës në Uashington, tha se shpëtimtarët po luftojnë me kushte të vështira.
“Era është e pranishme. Ka copa akulli në ujë. Nuk ka shumë dritë dhe ne po kërkojmë çdo metër hapësirë. Këto janë kushte shumë të vështira për shpëtimtarët për t’u zhytur,” tha ai.
Ai po ashtu deklaroi se në operacionin e shpëtimit po marrin pjesë rreth 300 shpëtimtarë.
