Gjilani dhe mesfushori Drin Ymeri kanë ndërprerë bashkëpunimin, pasi klubi dhe lojtari kanë arritur marrëveshje për të përfunduar kontratën me mirëkuptim.
Njoftimi është bërë nga skuadra e qytetit me të njëjtin emër.
“Gjilani dhe Drin Ymeri e kanë mbyllur bashkëpunimin. Klubi dhe futbollisti kanë gjetur mirëkuptim për të përfunduar mardhëniet kontraktuale. Ymeri iu bashkua Gjilanit në fillimin e edicionit dhe gjatë kësaj periudhe ka dëshmuar profesionalizëm dhe vlera të larta sportive. Të gjithë te Gjilani e falenderojnë Drin Ymerin për angazhimin të cilën e ka treguar gjatë qëndrimit në skuadër dhe i urojnë suksese në të ardhmen e tij profesionale”, ka njoftuar Gjilani.
