Me rastin e ndarjes nga jeta e prof. dr. Arif Birinxhiku në Fakultetin e Mjekësisë në Prishtinë u organizua mbledhje përkujtimore, me ç’rast u përkujtua jeta, vepra dhe krijimtaria shkencore dhe profesionale e doktor Birinxhikut.
Studiuesi i fushës së neuropsikiatrisë, prof. dr. Arif Birinxhiku, me rastin e ndarjes nga jeta me një mbledhje komemorative u kujtua nga familjarë, miq dhe koleg të tij. Aty u kujtua e u nderua dhe jeta dhe veprimtaria e tij.
Gjatë karrierës së tij profesor Birinxhiku dha një kontribut të çmuar në zhvillimin e Neuropsikiatrisë duke ndihmuar në formimin kuadrove të reja duke qen model për shumë kolegë dhe studentë.
Ai ishte një udhë rrëfyes, një inspirues dhe një person që ndikoi në zhvillimin dhe formimin e shumë individëve. Mësimet dhe zhvillimet e tij çdo të vazhdojnë të jetojnë në punën dhe veprën tonë dhe ai do të mbetet gjithmonë model i përkushtimit dhe pasionit për arsim.
Në emër të familjes Birinxhiku të pranishmit i falënderoi i biri i profesor Birinxhikut, Dardani.
Vepra dhe mësimet e prof. dr. Arif Birinxhikut do të mbeten të gjalla krahas trashëgimisë dhe dhimbjes që nuk është më në mesin tonë u tha nga kolegët e Fakultetit të Mjekësisë së Universitetit të Prishtinës.
