Kandidati i Partisë Demokratike të Kosovës për kryeministër, Bedri Hamza, ka ripërsëritur premtimin e tij për rritje pensionesh bazike për 70 për qind e rritje pagash për 50 për qind.
Derisa u kërkoi votën qytetarëve për zgjedhjet e 9 shkurtit, Hamza ka thënë se të gjitha zotimet e tij do të realizohen.
“Më 9 shkurt, votoni për Kosovën që mundet ma mirë, sepse e kemi ekipin dhe programin më të mirë. Pensionet bazike do të rriten për 70%, pagat për 50% dhe do të ofrojmë grante deri në 30% të vlerës së investimit për bizneset. Tatimet do t’i ulim dhe do të sigurojmë që bizneset të ofrojnë kushte më të mira të punës edhe për punëtorët”, ka thënë Hamza, që për zgjedhjet e 9 shkurtit garon për postin e kryeministrit nga Partia Demokratike e Kosovës .
