Tashmë është mbyllur afati kalimtar i janarit.
As në afatin kalimtar të këtij dimri nuk munguan transferimet milionëshe.
Para të gjithëve qëndrojnë tri blerje me vlerë mbi 70 milionë euro.
Në vendin e parë është John Duran, që kaloi nga Aston Villa tek Al-Nassr për 77 milionë euro. I dyti në këtë renditje qëndron Omar Marmoush që për 75 milionë euro kaloi nga gjermanët e Eintracht Frankfurt te Manchester City, derisa vendin e tretë e zë Kvaratskhelia, që la Napolin dhe u bashkua me PSG-në për 70 milionë euro.
Manchester City ka qenë “mbretëresha” e afatit kalimtar të janarit në Evropë, duke shpenzuar plot 220 milionë euro në janar për të përforcuar skuadrën e Guardiolës. Arabia Saudite vazhdon që të jetë një treg që tërheq vëmendje, ndërsa në Itali skuadrat janë munduar që të plotësojnë boshllëqet, duke kryer disa goditje interesante gjatë këtij afatit kalimtar të këtij dimri.
