Stacioni Policor në Podujevë ka njoftuar se është gjetur një veturë e djegur dhe me rastin e ekzaminimit ka rezultuar se brenda saj ka prezencë të mbetjeve kockore, me ç’rast prokurori i shtetit ka angazhuar ekspertin antropolog mjeko-ligjor, i cili ka konstatuar se këto mbetje janë të njeriut.
Prokuroria Themelore në Prishtinë përmes një njoftimi për medie bën të ditur se ka autorizuar dhe në koordinim me njësitet përkatëse të Policisë së Kosovës, janë duke ndërmarrë të gjitha veprimet e nevojshme hetimore me qëllim të zbardhjes në tërësi të rastit.
“Me datë 04.02.2025 prokurori kujdestar është informuar nga Stacioni Policor në Podujevë për gjetjen e një veture të djegur dhe me rastin e ekzaminimit ka rezultuar se brenda saj ka prezencë të mbetjeve kockore, me ç’rast prokurori i shtetit ka angazhuar ekspertin antropolog mjeko-ligjor, i cili ka konstatuar se këto mbetje janë të njeriut”, thuhet në njoftim.
Tutje bëhet e ditur se duke qenë në fazën fillestare të rastit prokurori i shtetit, në bashkëpunim dhe koordinim me organet e rendit, është i përkushtuar që të zbardh në tërësi rastin.
