Trump, i cili më parë ka propozuar zhvendosjen e përhershme të më shumë se dy milionë palestinezëve nga Gaza në vendet fqinje, tha se Gaza mund të bëhet “Riviera e Lindjes së Mesme”.
Zëdhënësi i Kremlinit Dmitry Peskov përsëriti qëndrimin e Moskës se e vetmja mënyrë për të zgjidhur konfliktin në Lindjen e Mesme është krijimi i një shteti palestinez që do të ekzistonte përkrah Izraelit.
“Kjo është teza që është vendosur në rezolutën përkatëse të Këshillit të Sigurimit të Kombeve të Bashkuara, kjo është teza që ndajnë shumica dërrmuese e vendeve të përfshira në këtë problem. Ne nisemi prej saj, e mbështesim dhe besojmë se është e vetmja mundësi e mundshme”, u tha ai gazetarëve.
Peskov shtoi se kryeqytetet e mëdha arabe kanë hedhur poshtë idenë e Trump për zhvendosje.
