Është mbajtur seanca gjyqësore ndaj të akuzuarit Dalibor Spasiq, i ngarkuar me veprat penale: pjesëmarrja ne turme që kryen veprën penale huliganizëm si dhe vepra penale: sulmi.
Të pranishëm në seancë pala e akuzuar dhe i dëmtuari. Vlen te përmendet se i akuzuari Spasiq ka mbajtur një muaj paraburgim për ketë çështje penale.
Dalibor Spasiq akuzohet për sulm fizik ndaj gazetarit te RTV21 Burim Zariqit, gjate trazirave ne veri te vendit me 31 maj te vitit 2023.
Në shqyrtimin fillestar gjyqësor Spasiq pati deklaruar se është i pafajshëm, por sot pranoi fajësinë.
Pritet që Gjykata Themelore në Mitrovicë të marrë vendim pas pranimit të fajësisë dhe marrëveshjes se arritur mes Prokurorisë dhe të akuzuarit, raporton RTV21.
Kryetarja e trupit gjykues, gjyqtarja Marigona Lajqi nxori aktvendim që shpallja e dënimit te shtyhet më datë 13 shkurt të vitit 2025 edhe pse pala e akuzuar nuk kërkoj seancë te veçante për shpalljen e dënimit.
