Një sulm me dron ukrainas ka dëmtuar një “objekt industrial” në rajonin e Saratovit të Rusisë, tha sot herët sot guvernatori rajonal.
“Sipas informacioneve paraprake, nuk ka viktima,” tha guvernatori i Saratovit Roman Busargin në një postim në aplikacionin e mesazheve Telegram.
Disa kanale jozyrtare ruse të lajmeve në Telegram raportuan shpërthime dhe zjarre në zonën e një rafinerie nafte në Saratov, një rajon në Rusinë jugore. Videot dhe fotot e publikuara në rrjetet sociale tregojnë një zjarr të madh dhe një re të dendur tymi. Reuters nuk ishte në gjendje të verifikonte në mënyrë të pavarur raportet.
Kievi ka thënë shpesh se sulmet ajrore ukrainase brenda Rusisë kanë për qëllim shkatërrimin e infrastrukturës thelbësore për përpjekjet luftarake të Moskës dhe janë një përgjigje ndaj sulmeve të vazhdueshme të Rusisë ndaj Ukrainës që nga fillimi i luftës gati tre vjet më parë.
