Jo vetëm që zbriti në pikën më të ulët të varrit, por u ngjit edhe në pjesën më të lartë – një vend që vetëm 50 njerëz e kanë parë në 4600 vitet e fundit.
Piramidat e Gizës konsiderohen si një nga strukturat më të famshme dhe më të vjetra në botë. Ato janë ndërtuar 4600 vjet më parë në skajin perëndimor të luginës së Nilit, rreth 15 kilometra nga kryeqyteti i Egjiptit. Edhe pse rreth 14 milionë njerëz i vizitojnë çdo vit, disa pjesë fshihen nga vështrimi kureshtar i publikut. Ose kështu ishte deri vonë, domethënë derisa Jimmy Donaldson, i njohur më mirë si Mr Beast, regjistroi një video në to . YouTuber-it më të njohur në botë iu dha akses ekskluziv në dhomat e fshehura dhe varret e lashta në Giza, dhe atij iu bashkua në këtë aventurë nga arkeologu i njohur Dr. Zahi Hawass. MrBeast regjistroi një video të quajtur “Kam kaluar 100 orë në piramida”, në të cilën ai zbulon detaje që as banorët vendas nuk kanë pasur rastin t’i shohin. Atij iu lejua hyrja në varrin Iymery, i cili është zbukuruar me vizatime të lashta egjiptiane që përshkruanin jetën e tyre gati pesë mijëvjeçarë më parë.
Sigurisht, ai e kaloi pjesën më të madhe të asaj aventure në Piramidën e Madhe, ose Piramidën e Keopsit. Jo vetëm që zbriti në pikën më të ulët të varrit, por u ngjit edhe në pjesën më të lartë – një vend që vetëm 50 njerëz e kanë parë në 4600 vitet e fundit.
Shikoni se çfarë filmoi ai në këtë mrekulli të vetme të mbetur të botës antike në videon e tij më poshtë.
Mallkimi i Tutankhamun: Varri që dënoi me vdekje ata që hynë
