Trepça ka fituar në finalen e Kupës së Kosovës në basketboll, duke mposhtur Bashkimin me rezultat 85:79.
Kësosjoji, mitrovicasit e kanë siguruar trofeun e tetë në histori dhe të katërtin radhazi në këtë garë.
Ndeshja ka nisur me intensitet të lartë dhe pjesa e parë ka qenë e baraspeshuar. Çereku i parë ka përfunduar 24:22 për Trepçën, ndërsa i dyti me rezultat të ngushtë 19:18 për ekipin nga Prizreni. Në pushim, “Xehetarët” kanë pasur epërsinë minimale prej një pike, 42:41.
Edhe në çerekun e tretë sfida ka vazhduar të jetë e luftuar. Trepça ka arritur të shkëputet përkohësisht në +7 pikë, por Bashkimi nuk e ka lejuar diferencën të rritet shumë. Kjo periudhë është mbyllur 21:19 për ekipin nga Mitrovica, duke e çuar rezultatin në 63:60 para dhjetë minutave të fundit.
Në çerekun vendimtar, Trepça ka treguar forcën e vet, duke dominuar plotësisht dhe duke krijuar një epërsi deri në +18 pikë (81:63).
Nga ana tjetër, Bashkimi është treguar i pafuqishëm për të ndalur mitrovicasit, të cilët kanë ruajtur avantazhin deri në fund, duke triumfuar 85:79.
MVP i finales është shpallur Mikaile Tmusiq, çmim që i është ndarë nga zëvendësministrja e MKRS-së, Daulina Osmani.
