Analisti politik Blerim Burjani, eksport i mirënjohur i sistemit zgjedhor, është i sigurt që në rrethanat e krijuara me rezultatin aktual të zgjedhjeve të 9 shkurtit, Vetëvendosje nuk do të mund ta themeloj qeverinë vetëm për vetëm dhe nëse nuk bënë koalicion me një nga subjektet tjera politike, zgjedhjet do të përsëriten.
“VV duhet të ketë 45 % plus minoritet 20%, në të kundërtën opozita themelon qeverinë. Kushtetuta obligon bashkëpunimin e opozitës sipas procedurës, pra dy herë ka të drejtë të përpiqet VV-ja ta bëjë qeverinë, tha Burjani për Kosova Times”.
Sipas tij, bojkoti është antikushtetues por opozita është deklaruar se nuk do të bashkëpunojë.
Sipas Burjanit, është në duart e presidentes që të ecë me procedurat, dhe nëse dështon marrëveshja e VV-së me partitë opozitare të kalohet procedura te partia e dytë fituese për ta themeluar qeverinë, sidoqoftë, Burjani thotë se edhe po u bë qeveria opozitare ajo mund të ketë jetëgjatësinë vetëm një vjet, për shkak se duhet të zgjidhet presidentja e re, dhe këtu VV mund ta bllokoj dhe të mos qëndrojë në Kuvend për të siguruar 2/3 qe janë të nevojshme për të filluar procedura.
“Pra është e pritshme që pas përfundimit të të gjitha procedurave, brenda 45 ditëve shteti të shkon në zgjedhje të reja të jashtëzakonshme. Pra do të ketë sërish zgjedhje të reja”, tha Blerim Burjani për “Kosova Times”.
