Tri raste të dhunës në familje janë raportuar në Policinë e Kosovës në 24-orët e fundit. Rastet kanë ndodhur në Kaçanik, Gjakovë dhe në Mitrovicën e Jugut.
Policia ka njoftuar në raportin 24-orësh se në Kaçanik është raportuar se pas një mosmarrëveshje, prindi ka tentuar ta sulmojë fëmijën.
Sipas policisë, lidhur me rastin është njoftuar prokurori.
Ndërkaq në Gjakovë është arrestuar një burrë, pasi që i njëjti ka ushtruar dhunë psikike ndaj bashkëshortes së tij.
Policia ka bërë të ditur se me vendim të prokurorit i dyshuari është liruar në procedurë të rregullt.
Një rast i dhunës në familje ka ndodhur edhe në Mitrovicën e Jugut.
Atje një burrë është arrestuar nën dyshimin se ka ushtruar dhunë psikike ndaj bashkëshortes së tij.
Bëhet e ditur se me vendim të prokurorit i dyshuari pas intervistimit është liruar, teksa rasti vazhdon të trajtohet në procedurë të rregullt.
