Akullnajat e botës po shkrihen më shpejt se kurrë nën ndikimin e ndryshimeve klimatike, sipas një studimi ku u shtri në të 230 zona në të gjithë botën.
Sipas një studimi, midis 2000 dhe 2023, akullnajat humbën mesatarisht rreth 270 miliardë tonë akull në vit.
“270 miliardë tonë akull të humbur në një vit të vetëm korrespondon me konsumin ujë të të gjithë popullsisë globale në 30 vjet, duke supozuar 3 litra për person dhe ditë”, tha Michael Zemp, drejtor i Shërbimit Botëror të Monitorimit të Akullnajave.
Akullnajat malore veprojnë si një burim uji i ëmbël për miliona njerëz në mbarë botën dhe mbajnë ujë të mjaftueshëm për të rritur nivelin global të detit me 32 cm nëse ato shkrihen plotësisht. Nga fillimi i shekullit, ata kanë humbur më shumë se 6,500 miliardë tonë ose 5% të akullit të tyre dhe ritmi i shkrirjes vijon të jetë në rritje.
Shkalla e ndryshimit në disa rajone ka qenë veçanërisht ekstreme. Evropa Qendrore, për shembull, ka humbur 39% të akullit të saj të akullnajave në pak më shumë se 20 vjet.
Ky studim, i botuar në Nature, thekson se akullnajat po shkrihen gjithnjë e më shpejt, por rëndësia e tij qëndron në mbledhjen e provave nga kërkime të ndryshme. Shkencëtarët përdorin qasje të ndryshme për të monitoruar akullnajat, dhe duke i kombinuar ato, ata mund të kenë një pasqyrë më të sigurt mbi ndryshimet që po ndodhin.
Akullnajat janë zvogëluar pothuajse kudo gjatë 20 viteve të fundit pasi temperaturat janë rritur për shkak të aktiviteteve njerëzore, kryesisht nga lëndët djegëse fosile.
Nëse nuk kufizohet emetimi i gazrave serrë, niveli i detit mund të rritet ndjeshëm, duke rritur përmbytjet dhe duke pasur pasoja për ekosistemet dhe burimet e ujit të pijshëm për qindra miliona njerëz.
